اسلام آباد (آن لائن )پاکستان پیپلز پارٹی کی نائب صدر سینیٹر شیری رحمان نے کہا ہے کہ تحریک عدم اعتماد کی ناکامی کا پیشگی اعلان کرکے اسد قیصر نے قومی اسمبلی کی اسپیکرشپ کے عہدے سے دغا کیا ،اسد قیصر تحریک انصاف کے پارٹی کے عہدے پر تعینات نہیں بلکہ قومی اسمبلی کے اسپیکر ہیں، متنازعہ بیانات کے بعد اسپیکر قومی اسمبلی اسد قیصر عدم اعتماد کے حوالے سے اجلاس کی صدارت نہیں کر سکتے۔ اسپیکر قومی اسمبلی اسد قیصر کے بیان پر ردعمل دیتے ہوئے شیری رحمان نے کہا اسپیکر قومی اسمبلی پورے ایوان کے کسٹوڈین ہوتے ہیں،۔عدم اعتماد کو غیر ملکی سازش قرار دینے والے اسد قیصر ہاؤس کا اعتماد کھو چکے ہیں۔اسد قیصر کے بیانات ان کے متنازع اسپیکر ہونے کا واضح ثبوت ہیں۔شیری رحمان نے سوال کیا اسپیکر کیسے کہہ سکتے ہیں عدم اعتماد ناکام ہوگی؟ ۔