کوئٹہ (این این آئی)بلوچستان عوامی پارٹی (بی اے پی) کے رہنما اور سابق وزیراعلیٰ جام کمال خان نے وفاقی وزیرداخلہ شیخ رشیدکے بیان پر ردعمل کا اظہار کرتے ہوئے کہا ہے کہ بلوچستان عوامی پارٹی اپنا فیصلہ خودکریگی، شیخ رشید نہیں۔ایک ٹوئٹ میں جام کمال خان کا کہنا تھا کہ بی اے پی اپنا فیصلہ خودکریگی، شیخ رشید نہیں۔ جام کمال نے ٹوئٹ میں شیخ رشید کی پریس کانفرنس کی تصویر بھی شیئر کی ہے۔خیال رہے کہ کوئٹہ میں میڈیا سیگفتگو کرتے ہوئے شیخ رشید نے ایک سوال کے جواب میں کہا تھا کہ بلوچستان عوامی پارٹی عمران خان کے ساتھ کھڑی ہے، میں بھی چٹان کی طرح عمران خان کے ساتھ کھڑا ہوں باقی لوگوں کا ذمہ دار نہیں ہوں۔