لاہور(این این آئی) مسلم لیگ (ن) کے سینئر نائب صدر و سابق وزیر اعظم شاہد خاقان عباسی نے کہا ہے کہ (ق) لیگ کودعوت دیدی ہے اب فیصلہ انہوں نے کرناہے،حکومت کے 20سے زائد اراکین ساتھ دیں گے، اگر (ن) لیگ کی حکومت بنتی ہے تو شہباز شریف وزیر اعظم ہوں گے۔ سابق صدر مملکت جسٹس(ر) محمد رفیق تارڑ کی رسم قل میں شرکت کے موقع پر گفتگو کرتے ہوئے شاہد خاقان عباسی نے کہا کہ آپ کے پاس جتنا بڑا عہدہ ہو اتنا محتاط ہونا پڑتا ہے۔ جتنے بڑے عہدے پر ہوں دل و دماغ بھی اتنا وسیع ہونا چاہیے۔ بڑے عہدے پر ہوں تو زبان پر بھی شائستگی ہونی چاہیے لیکن یہ الگ بات ہے کہ وزیر اعظم میں یہ خوبی نہیں۔ انہوں نے کہا کہ حکمران جماعت کے 20سے زائد ارکاین اسمبلی ہمارا ساتھ دیں گے اور سب سے بات ہو گئی ہے۔ اگر (ن) لیگ کی حکومت بنی تو شہباز شریف وزیر اعلیٰ ہوں گے۔