اسلام آباد (آن لائن) وزیراعظم عمران خان کے خلاف عدم اعتماد کے سلسلے میں پاکستان ڈیموکریٹک (پی ڈی ایم) کا اہم ترین سربراہی اجلاس آج ( اتوار کو ) طلب کر لیا گیا ۔ ذرائع کا کہنا ہے کہ پی ڈی ایم کے سربراہی اجلاس ن لیگ کے سیکرٹریٹ اسلام آباد میں مولانا فضل الرحمان کے زیرصدارت ہوگا ۔ سابق وزیر اعظم نوازشریف اجلاس میں وڈیو لنک سے شریک ہوں گے۔
اجلاس میں پی ڈی ایم میں شامل جماعتوں کے سربراہان شریک ہوں گے۔ عدم اعتماد سے متعلق پی ڈی ایم اپنی حکمت عملی طے کرے گی۔ مولانا فضل الرحمان حکومتی اتحادیوں اور اپوزیشن سے ہونے والی ملاقاتوں سے پی ڈی ایم کو اعتماد میں لیں گے۔ اجلاس میں پی ڈی ایم حکومت مخالف حتمی حکمت عملی طے کرے گی۔
