اسلام آباد (این این آئی)عالمی بینک نے پاکستان کیلئے 43 کروڑ 50 لاکھ ڈالر قرض کی منظوری دے دی ۔ عالمی بینک کے مطابق قرض کی رقم ہاوسنگ منصوبوں،پنجاب اربن لینڈ سسٹم کیلئے فراہم کی جائے گی،قرض کی رقم پنجاب ہاوسنگ پروگرام میں بھی استعمال کی جائے گی۔ عالمی بینک کے مطابق قرض کی رقم سے کم آمدنی والے افراد کو گھر بنانے کیلئے قرض دیا جائیگا،قرض فراہمی سے گھروں کی ضروریات پورا کرنے میں مدد ملے گی۔ عالمی بینک کے مطابق 8 کروڑ 50 لاکھ ڈالر پاکستان ہاوسنگ فنانس پراجیکٹ کیلئے خرچ کی جائیگی،15 کروڑ ڈالر کی رقم پنجاب اربن لینڈ سسٹم پراجیکٹ پر خرچ ہو گی۔ عالمی بینک کے مطابق 20 کروڑ ڈالر پنجاب ہاوسنگ پروگرام کے لیے خرچ کی جائے گی۔

موضوعات:عالمی بینک