لاہور (این این آئی) عدالت نے دلہن کا میک اپ ادھورا چھوڑنے کے کیس میں بیوٹی پارلرکو 50ہزار ہرجانہ دینے کا حکم دے دیا۔لاہور کی صارف عدالت میں دلہن کا میک اپ ادھورا چھوڑنے والے پارلر کے خلاف درخواست پر سماعت ہوئی ، جج وسیم افضل میاں نے ڈاکٹر شازیہ کے دعوی پر سماعت کی۔
درخواست گزار نے بتایا کہ سیلون کی مالکن نے طے شدہ رقم سے زائد مانگی اور دلہن کا میک اپ ادھورا چھوڑ کر سیلون سے باہر نکال دیا۔درخواست گزار نے استدعا کی عدالت پارلر کو ایک لاکھ 10ہزار روپے جرمانہ ادا کرنے کا حکم دے، جس پر عدالت نے بیوٹی پارلر کو 50 ہزار ہرجانہ دینے کا حکم دے دیا۔
