راولپنڈی(آن لائن)آرمی چیف جنرل قمر جاوید باجوہ سے سعودی عرب کے وزیر دفاع میجر جنرل طلال عبد اللہ نے ملاقات کی ہے،دونوں رہنماؤں کے درمیان پاک سعودیہ دو طرفہ تعلقات، علاقائی امور، افغان صورت حال پر بات چیت کی گئی۔ترجمان آئی ایس پی آر کے مطابق سعودی وزیر دفاع نے جی ایچ کیو کا دورہ کیا اور آرمی چیف جنرل قمر جاوبد باجوہ سے ملاقات کی۔آرمی چیف نے کہا کہ پاکستان سعودی عرب کے ساتھ تعلقات کو قدر کی نگاہ سے دیکھتا ہے،افغانستان میں استحکام کی مشترکہ کوششوں میں تیزی کی ضرورت پر زوردیتے ہوئے آرمی چیف نے کہا کہ افغانستان میں انسانی المیہ سے نمٹنے کے لیے امن اور مفاہمت کی ضرورت ہے، سعودی وزیر دفاع نے افغان امن کے لیے پاکستان کی کوششوں کو سراہا۔