اسلام آباد (این این آئی) وزیراعظم کے نمائندہ خصوصی طاہر محمود اشرفی اور مذہبی سکالر مولانا طارق جمیل سری لنکن ایمبیسی میں سری لنکن ہائی کمشنر سے سیانحہ سیالکوٹ پر افسوس کا اظہا ر کیا ہے ۔ بدھ کو وزیر اعظم کے معاون خصوصی حافظ طاہر اشرفی اور مولانا طارق جمیل نے سری لنکن ہائی کمشنر سے ملاقات کی جس میں دونوں رہنمائوں نے سیالکوٹ واقع پر

سری لنکن ہائی کمشنر سے افسوس کا اظہار کیا۔ مولانا طارق جمیل نے کہاکہ سیالکوٹ واقعہ پر ہم معذرت کرتے ہیں ،ہمارا دین اس کی اجازت نہیں دیتا ۔اس موقع پر سری لنکن ہائی کمشنر نے کہاکہ سری لنکا پاکستانی حکومت کی جانب سے لیے گئے اقدامات پر مکمل مطمئن ہیں ۔بعد ازاں میڈیا سے گفتگو کرتے ہوئے مولانا جمیل طارق نے کہاکہ سیالکوٹ واقعہ پر ہم معذرت کرتے ہیں ،بے گناہ کو قتل کرنے والا سب سے زیادہ عذاب میں مبتلا ہوگا ۔ انہوں نے کہاکہ اسلام محبت کا درس دیتا ہے ،جہالت کا اندھیرا بہت تاریک ہوتا ہے ،اسلام محبت اور امن کا درس دیتا ہے ،قوم سے کہتا ہوں قرآن پڑھیں ورنہ جانوروں سے بھی بدتر ہوں گے۔مولانا طارق جمیل نے کہاکہ حضورصلی اللہ علیہ وسلم کا فرمان ہے ،ایک انسان کا قتل پوری انسانیت کا قتل ہے۔ انہوں نے کہا کہ سود کھانے والا شدید سزا کا حقدار اور بے گناہ کو قتل کرنے والا سزا کا مستحق ہیں ۔ انہوں نے کہا کہ سری لنکن سفیر کو کہا ہم معافی مانگنے آئیں ہیں۔ انہوں نے کہاکہ حضرت عمر کے دور میں ایک قتل ہوا تو انھوں نے کہا محلے والو قتل کا بتاو ورنہ سب

کو قتل کردوں گا۔ انہوں نے کہا کہ درخواست کرتا ہوں حضورصلی اللہ علیہ وسلم کی سیرت پڑھو۔ انہوں نے کہاکہ ہم سر لنکا والوں سے شرمندہ ہیں ،کسی کو حق حاصل نہیں وہ کسی کو جلائیں صرف اللہ کو حق ہے۔ انہوں نے کہاکہ میں ہاتھ جوڑ کر سرلنکا والوں سے معافی مانگتا ہوں۔ مولانا طاہر اشرفی نے کہاکہ فیکٹری نے ان کے دو بچوں کے تمام اخراجات اٹھانے کا فیصلہ کیا ہے اور فیکٹری میں ایک سری لنکا شہری کو ہی نوکری دی گئی ہے۔ انہوں نے کہاکہ مارنے والوں میں سے کئی کو کلمہ بھی نہیں آتا ۔ انہوں نے کہاکہ فیکٹری میں گیا تو مجھے کہا جب اس کو مار رہے تھے تو اس نے ایک وقت میں کہا میں کلمہ پڑھتا ہوں۔