برسلز (آن لائن )مریخ پر پانی کے ممکنہ وسیع ذخائر دریافت ہوئے ہیں ۔ یورپی خلائی ایجنسی نے کہا ہے کہ مریخ پر امریکی گرینڈ کینوئن جیسی ایک وسیع گھاٹی ہے جہاں پانی کے بہت وسیع ذخائر موجود ہوسکتے ہیں۔ اس کا انکشاف ایجنسی کی جانب سے مریخ پر بھیجے گئے ایگزو مارس ٹریس گیس آربٹرکی ڈیٹا کے طویل مطالعے کے

بعد ہوا ہے۔اس مریخی خلائی جہاز پر یورپی خلائی ایجنسی اور روسی خلائی ادارے روسکوسموس نے مشترکہ طور پر کام کیا۔ 2016 میں یہ مریخ پر پہنچا جہاں شیاپریلی نامی لینڈر سطح پر اتارنا تھا۔ تاہم آخری وقت میں لینڈر حادثے کا شکار ہوکر تباہ ہوگیا۔ لیکن اس کا خلائی جہاز یا آربٹر اب بھی مریخ کے گرد چکر کاٹ رہا ہے۔