اسلام آباد (مانیٹرنگ ڈیسک )ن لیگ کی نائب صدر مریم نواز کے بیٹے جنید صفدر کے دعوت ولیمہ پر آنے والے مہمانوں کیلئے خاص شرط رکھ دی گئی ۔ شریف فیملی کے ترجمان کے مطابق جنید صفدر کی شادی میں شرکت کرنے والے مہمانوں کے پاس دعوت نامہ ہونا ضروری ہے جب مہمان شادی میں

تو دعوت نامہ ساتھ لائیں ۔نجی ٹی وی کے مطابق  ترجمان کا کہنا ہے کہ سیکیورٹی وجوہات کے وجہ سے مہمانوں کو شادی میں انٹری دعوت نامے پر ہی دی جائے گی ۔ ولیمے کے حوالے سے مریم نواز شریف کی ایک ویڈیو اور تصویر وائرل ہو رہی ہے جس میں انہوں نے گہرے نیلے رنگ کا خوبصورت سو ٹ میں دیکھا جا سکتا ہے ۔ واضح رہے کہ جنید صفدر کی بارات کی تقریب 14دسمبر کو اسلام آباد میںجبکہ ان کی ولیمہ آج لاہور میں ہو رہا ہے ۔ قبل ازیں بیٹے جنید صفدر کی شادی پر مریم نواز نے زیادہ تر ملبوسات پاکستانی ڈیزائنرز کے بنائے پوئے پہنے۔ تاہم ایک جوڑا ایسا بھی تھا جو انڈین ڈیزائنر ابھینو مشرا نے تیار کیا۔جنید صفدر کی مہندی پر مریم نواز کے نیلے رنگ کے لہنگے کے بارے میں بی بی سی سےگفتگو کرتے ہوئے ابھینو مشرا کا کہنا تھا کہ مریم نواز ’ہمیں اس وقت سے فالو کر رہی ہیں جب ہم نے کچھ سال پہلے پاکستان کے شہر لاہور میں ایک شو کیا تھا۔‘انھوں نے بتایا کہ ان کی ٹیم نے ’ہم سے پہلے انسٹاگرام پر رابطہ کیا جس کے بعد ہمارا ان سے فون پر رابطہ ہوا۔ انھیں ہماری برائڈل کلیکشن سے نیلا جوڑا پسند آیا جسے وہ اپنے مطابق تھوڑا سا تبدیل کروانا چاہتی تھیں۔‘’جو لباس ہم نے ان کے لیے بنایا اس پر شیشوں اور گوٹا پٹی کا کام را سلک پر کیا گیا ہے‘۔ابھینو مشرا کا کہنا تھا کہ جو لہنگا مریم نواز نے پسند کیا ’ہم نے لہنگے میں مریم نواز کے لیے تبدیلی کی۔