کراچی (آن لائن)انٹر بینک میں روپے کے مقابلے ڈالر مہنگا ہو گیا تاہم اوپن مارکیٹ میں ڈالر کی قدر مستحکم رہی ۔فاریکس ایسوسی ایشن آف پاکستان کی رپورٹ کے مطابق جمعہ کو انٹر بینک میں روپے کے مقابلے ڈالر کی قدر میں20پیسے کا اضافہ ریکارڈکیا گیا جس سے ڈالر کی قیمت خرید 177.90روپے سے بڑھ کر178روپے اور قیمت فروخت178روپے سے بڑھ کر178.20روپے ہو گئی

تاہم مقامی اوپن کرنسی مارکیٹ میں ڈالر کی قیمت خرید 180.20روپے اور قیمت فروخت180.70روپے پر بدستور برقرا رہی ۔فاریکس رپورٹ کے مطابق یورو کی قدر میں30پیسے کی کمی واقع ہوئی جس سے یورو کی قیمت فروخت 202.30روپے سے کم ہو کر202روپے ہو گئی جبکہ برطانوی پونڈ کی قیمت خرید235روپے اور قیمت فروخت238روپے پر مستحکم رہی ۔