اسلام آباد(آن لائن ) سوشل میڈیا پر پولیس اہلکاروں کی بغیر رقم ادا کیے ٹھیلے سے فروٹ لینے کی شکایت پر آئی جی اسلام آباد محمد احسن یونس نے نوٹس لے لیا ۔آئی جی اسلام آباد نے ٹھیلے کے مالک کو اپنے دفتر مدعو کیا اور فروٹ ٹھیلے کے مالک کو رقم ادا کی۔ ہیڈکانسٹیبل احمد جان،کانسٹیبل نعیم جان،کانسٹیبل صفدر کو
فوری معطل کرکے محکمانہ کارروائی کا آغاز کردیا گیا۔آئی جی اسلام آباد نے چوکی تمام عملے کو فوری تبدیل کرنے کے احکامات جاری کردئیے۔آئی جی اسلام آباد کا کہناہے اسلام آباد پولیس خود احتسابی پر یقین رکھتی ہے، اختیارات سے تجاوز کسی صورت برداشت نہیں کیا جائے گا ۔
