خانیوال (این این آئی)پنجاب اسمبلی کے حلقے پی پی 206 خانیوال میں ضمنی انتخاب میں پاکستان تحریک انصاف کی امیدوار نورین نشاط کی ضابطہ اخلاق کی خلاف ورزی

پر الیکشن کمیشن نے نوٹس لے لیا۔الیکشن کمیشن کے مطابق ضمنی الیکشن میں پی ٹی آئی کی امیدوار نورین نشاط ڈاہا کا ووٹ ضائع ہوگیا ہے۔الیکشن کمیشن کا کہنا ہے کہ نورین نشاط ڈاہا نے مہر لگا کر بیلٹ پیپر میڈیا کو دکھایا تھا۔الیکشن کمیشن حکام کا کہنا ہے کہ ضابطہ اخلاق کے مطابق کوئی ووٹر اپنا بیلٹ پیپر کسی کو نہیں دکھا سکتا۔پنجاب اسمبلی کے حلقے پی پی 206 خانیوال کی نشست مسلم لیگ ن کے نشاط احمد ڈاہا کے انتقال کے باعث خالی ہوئی تھی جن کی بیوہ نورین نشاط ڈاہا پی ٹی آئی کے ٹکٹ پر الیکشن لڑ رہی ہیں۔پی پی 206 ضمنی الیکشن میں مسلم لیگ (ن) کے رانا محمد سلیم، پیپلز پارٹی کے میر واثق سرجیس حیدر ترمذی اور تحریکِ لبیک کے شیخ اکمل بھی امیدوار ہیں۔پی پی 206 کی نشست پر 4 آزاد امیدوار بھی ضمنی الیکشن کے لیے میدان میں اترے ہیں۔