قاہرہ (این این آئی)مصر میں ایک شخص نے بیوی کے ساتھ مسلسل گھریلو تنازع کے بعد بیوی کو قتل کرکے خود ایک کثیر منزلہ عمارت سے چھلانگ لگا کر خود کشی کرکے اپنی جان بھی لے لی۔میڈیارپورٹس کے مطابق واقعے کی ویڈیو خود کشی کرنے والے شخص کے ہمسائیوں
نے بنائی اور اسے سوشل میڈیا پر ڈال دیا ۔جس کے بعد مصری قلیوبیہ گورنری کے سیکیورٹی ڈائریکٹوریٹ میں فوجداری تحقیقاتی محکمے کی تحقیقات میں بتایا گیا کہ بیوی کو قتل کرکے خود کشی کرنے والا ایک انجینئرزہے جو گھریلو ناچاقی کے ساتھ ذہنی امراض کا بھی شکار تھا۔اس نے خود کو اس عمارت کی 12ویں منزل سے گرا دیا جہاں وہ رہتے تھے۔ یہ واقعہ شبرا الخیمہ کے بدر شہر میں پیش آیا۔تفتیش سے معلوم ہوا کہ ملزم 37 سالہ بے روزگار انجینئر تھا۔ اس سے قبل وہ دماغی امراض اور نشے کی لت کے علاج کے لیے ایک نفسیاتی کلینک میں داخل رہا۔ اس کے تین بچے ہیں۔تفتیش میں بتایا گیا کہ پولیس اور استغاثہ کی تحقیقات میں بیوی کے بھائی سے پوچھ گچھ کے بعد پتا چلا کہ اس سے قبل اس کے بہنوئی کو نفسیاتی کلینک میں دماغی امراض اور نشے کے علاج کے لیے داخل کیا گیا تھا۔ اس نے اپنی 37 سالہ بیوی کو چاقو کے وار کرکے موت کے گھاٹ اتارا اور اس خود کثیر منزلہ عمارت سے چھلانگ لگا دی۔
