اسلام آباد (آن لائن) مشیر داخلہ و احتساب بیرسٹر شہزاد اکبر نے کہا ہے کہ ایک بات واضح ہے کہ سارا رولا اسلام آباد ہائی کورٹ میں مریم صفدر کی اپیل کی شنوائی کا ہے۔ عدالت اپیل نہ سنتی اور مجرمہ کی خواہش کے مطابق کیس ملتوی رہتا تو سب خیر تھی۔ اپنے ایک بیان میں شہزاد اکبر نے کہا نہ پہلے اپنا وکیل فارغ ہوتا، نہ من گھڑت درخواستیں آتی۔ نہ جج شمیم والا ناٹک رچتا اور نہ خلائی آڈیو لیک ہوتی، شہزاد اکبر نے کہا نواز شریف خاندان شروع دن سے بجائے اپنے کیس کے میرٹ کے ہر حربہ استعمال کر رہا ہے.۔ کہ کیس کے اصل حقائق پہ بات نہ ہو۔ انہوں نے کہا آئینی اداروں کو متنازعہ بنانے کا فنڈڈ ایجنڈا کافی پرانا ہے۔