بابر اعظم ، ویرات کوہلی کے مزید 2 ریکارڈز توڑنے سے محروم

  جمعرات‬‮ 11 ‬‮نومبر‬‮ 2021  |  23:46

دبئی (این این آئی)قومی کرکٹ ٹیم کے کپتان بابر اعظم ویسے تو بھارت کے ویرات کوہلی کے کئی ریکارڈ اپنے نام کرچکے ہیں تاہم وہ آسٹریلیا کے خلاف دوسرے سیمی فائنل میں کوہلی کے مزید 2 ریکارڈز توڑنے سے محروم رہ گئے۔بابر اعظم ٹی ٹوئنٹی ورلڈکپ کے ایک ایڈیشن میں سب سے زیادہ نصف سنچریاں اور سب سے زیادہ رنز بنانے کا ویرات کوہلی کا ریکارڈ آسٹریلیا کے خلاف میچ میں نہ توڑ سکے۔ویرات کوہلی نے 2014 کے ٹی ٹوئنٹی ورلڈکپ میں 6 اننگز میں 319 رنز بنائے تھے جبکہ اسی ورلڈکپ میں 4 نصف سنچریاں بھی اسکور کی تھیں۔


بابراعظم کو آسٹریلیا کے خلاف میچ سے قبل ویرات کوہلی کا ریکارڈ توڑنے کیلئے 56 رنز درکار تھے مگر وہ 39 رنز بناکر آؤٹ ہوگئے۔39 رنز پر آؤٹ ہونے کی وجہ سے بابر سب سے زیادہ رنز اور ایک ورلڈکپ ایونٹ میں سب سے زیادہ ففٹی کا ریکارڈ نہ توڑسکے لیکن اگر پاکستان سیمی فائنل میں آسٹریلیا کو شکست دے دیتا ہے تو فائنل میں بابر اعظم کے پاس کوہلی کے یہ دونوں ریکارڈز توڑنے کا ایک اور موقع ہوگا۔واضح رہے کہ میتھو ہیڈن نے بھی 2008 میں 4 نصف سنچریاں اسکور کی تھیں۔ بابر اعظم نے بھی ایک ایڈیشن میں 4 نصف سنچریاں کر رکھی ہیں۔ پاکستان سیمی فائنل میں ہارا تو اگلے ایڈیشن تک یہ دونوں ریکارڈز کوہلی کے پاس ہی رہیں گے۔


موضوعات:

زیرو پوائنٹ

ہم اپنے بچوں کے قاتل ہیں

میرے بیٹے نے چند دن پہلے مجھ سے ایک عجیب سوال کیا‘ اس نے پوچھا ’’آپ نے کبھی سوچا آپ کے بچے آپ کی عزت کیوں کرتے ہیں‘‘ میں نے قہقہہ لگا کر جواب دیا ’’دنیا کے تمام بچے اپنے والدین کی عزت کرتے ہیں‘ میں باپ ہوں اور باپ کی حیثیت سے مجھے عزت کی سہولت (Privilege) حاصل ہے‘‘ ....مزید پڑھئے‎

میرے بیٹے نے چند دن پہلے مجھ سے ایک عجیب سوال کیا‘ اس نے پوچھا ’’آپ نے کبھی سوچا آپ کے بچے آپ کی عزت کیوں کرتے ہیں‘‘ میں نے قہقہہ لگا کر جواب دیا ’’دنیا کے تمام بچے اپنے والدین کی عزت کرتے ہیں‘ میں باپ ہوں اور باپ کی حیثیت سے مجھے عزت کی سہولت (Privilege) حاصل ہے‘‘ ....مزید پڑھئے‎