دبئی(این این آئی)انگلینڈ کرکٹ ٹیم کے لئے بری خبر یہ ہے کہ فاسٹ بائولر ٹمل ملز انجری مسائل کے باعث ٹی -20 ورلڈکپ سے باہر ہوگئے ہیں۔ 29سالہ فاسٹ بائولر کی جگہ ریس ٹوپلے کو 15 رکنی برطانوی سکواڈ میں شامل کرلیا گیا، ٹمل ملز میگا ایونٹ کے 29 ویں میچ میں سری لنکا کے خلاف انجری مسائل کے باعث صرف 9 گیندیں کرانے کے بعد
میدان سے باہر چلے گئے تھے،ان کی جگہ سیم بلنگز نے متبادل کے طور پر فیلڈنگ کی تھی۔ انگلش ٹیم کے ریزرو کھلاڑی ریس ٹوپلے کو فوری طور پر مرکزی سکواڈ میں شامل کرلیا گیا جنوبی افریقہ کے خلاف انگلینڈ کے آخری گروپ میچ میں ٹوپلے کو ٹیم میں شامل کئے جانے کے کافی امکانات ہیں، یہ میچ 6 نومبر کو شارجہ میں کھیلا جائے گا۔
