لاہور( این این آئی)محکمہ ایکسائز اینڈ ٹیکسیشن نے رواں سال پراپرٹی ٹیکس میں مزید اضافے کیلئے 5 سالہ سروے کے لئے تیاریاں شروع کردیں،سٹاف کوسروے کے لئے ٹریننگ کے عمل کا آغاز کردیاگیا،

سروے مکمل ہونے کے بعد25 سے فیصد اضافہ متوقع ہوگا۔تفصیلات کے مطابق محکمہ ایکسائزاینڈ ٹیکسیشن نے پراپرٹی ٹیکس میں اضافے کے لئے سروے پرکام شروع کردیا ہے۔ایکسائز حکام کے مطابق پراپرٹی ٹیکس میں اضافے کے لئے5سال بعدسروے شروع کیاجارہاہے جس میں صوبہ بھرمیں سروے کے لئے ٹریننگ کاعمل بھی شروع ہوگیا ہے ۔پرائیویٹ کمپنی کے تعاون سے سروے کے لئے ٹریننگ کاپہلامرحلہ مکمل ہوگیا ہے جس میں چھوٹے سٹاف کا ٹریننگ دے دی گئی جبکہ افسران کی رواں ہفتے مکمل کی جائے گی۔سروے کے بعدپراپرٹی ٹیکس میں25سے40فیصداضافہ ہوسکتا،سروے میں ہرسرکل کرمتعلقہ انسپکٹرجائیدادوں کی رینٹل ویلیوچیک کرتاہے ،5سال کی ویلیوکے مطابق پراپرٹی ٹیکس میں اضافہ کیاجاتاہے جبکہ دوسری طرف تاجرپہلے ہی پراپرٹی ٹیکس میں رعایت ختم اور66فیصداضافے پرسراپااحتجاج ہیں،حکومت نے مطالبات کا جائزہ لینے کیلئے کمیٹی بھی تشکیل دیدی ہے ۔