لاہور (آن لائن) مغلپورہ میں چالان کرنے پرشہری اورٹریفک وارڈن گتھم گتھا ہو گئے، ٹریفک وارڈن اقبال نے وائرلیس مار کر شہری کو لہولہان کر دیا، سی ٹی او نے نوٹس لیتے ہوئے ٹریفک وارڈن کو معطل کر کے انکوائری کا حکم دیدیا۔بتایا گیا ہے کہ وارڈن اقبال نے شہری کا ون وے پر چالان کیا جس پر دونوں میں تلخ کلامی ہو گئی۔ ہاتھا پائی کے دوران وارڈن نے وائرلیس سیٹ دے مارہا جس سے شہری لہو لہان ہو گیا۔ بتایا گیا ہے کہ جھگڑے کے بعد شہریوں نے بھی وارڈن پر تھپڑ برسا ئے۔سی ٹی او منتظر مہدی نے واقعہ کے بعد ٹریفک وارڈن اقبال کو معطل کر دیا۔ سی ٹی او نے ڈی ایس پی ٹریفک عبدالالغنی کو انکوائری کا حکم دیتے ہوئے کہا ہے کہ شہریوں سے نارواسلوک کسی صورت برداشت نہیں۔