اسلام آباد (مانیٹرنگ ڈیسک )طالبان نے پنج شیر کے شہریوں کیلئے عام معافی کا اعلان کر دیا ۔ تفصیلات کے مطابق طالبان نے پنج شیر کا کنٹرول سنبھالتے ہی شہریوں کیلئے معافی کا اعلان کیا اورساتھ یہ اپیل بھی کی ہے کہ وہ شہر چھوڑ کر پہاڑوں کی جانب نہ جائیں ہم انہیں یقین دلاتے ہیں کہ ان کی جان و مال کی حفاظت کریں گے ، کسی شہری کو کچھ نہیں کہا جائے گا ۔ افغان اردو کے مطابق طالبان کی جانب سے شہریوں سے کہا گیا ہے کہ اپنے گھروں پر رہیں، جو لڑائی کر رہے ہیں وہ لڑائی ختم کر دیں۔ ان کے حقوق کا تحفظ ہوگا۔