اسلام آباد(آن لائن) الیکشن کمیشن کے دو اراکین کی تقرری کا معاملہ، اپوزیشن لیڈر شہباز شریف نے وزیر اعظم عمران خان کے مشاورت کے طریقہ کار پر اعتراض کر دیا ۔

ذرا ئع کا کہنا ہے کہ ن لیگ میں خیبرپختونخوا اور پنجاب سے الیکشن کمیشن کے اراکین کے ناموں پر مشاورت جاری ہے ۔ن لیگ زرایع کا کہنا ہے کہ وزیر اعظم نے آئین کے آرٹیکل 213 کے تحت بامعنی اور بامقصد مشاورت نہیں کی۔ زرایع کا کہنا کہ دونوں صوبوں سے چھ نام مسلط کرنے کی کوشش کی۔۔وزیراعظم کے بھیجے گئے ناموں کا جائزہ لیکر وزیراعظم کو جواب دیا جاے گا ۔ ن لیگ ذرایع کا مزید کہنا ہے کہ عمران خان سے بامقصد مشاورت کا طریقہ کار اختیار کرنے پر بھی زور دیا جاے گا ۔ ن لیگ وزیراعظم کے خط کے جواب میں اپنے نام بھی دے گی ۔ ترجمان شہباز شریف ملک احمد خان نے کہا ہے کہ آئین سے ہٹ کر کی گئی مشاورت غیر ضروری ہوگی۔ انہوں نے کہا وزیراعظم کے بھیجے گئے ناموں پر مشاورت جاری ہے۔