لاہور(این این آئی) سٹی ٹریفک پولیس نے 109 مرتبہ ٹریفک قوانین کی خلاف ورزی کرنے والی گاڑی کو دھر لیا۔ سی ٹی او لاہو رکے مطابق کار ڈرائیور نے 106 مرتبہ ٹریفک سگنل

کیخلاف ورزی کی، 03 مرتبہ لین لائن کی خلاف ورزی کی، ڈرائیور کو 79 ہزار 500 روپے جرمانہ عائد کر کے گاڑی کو تھانہ اقبال ٹائون میں بند کردیا گیا۔سی ٹی او لاہو رمنتظر مہدی کا کہنا تھا کہ واجبات جمع کروانے پر گاڑی حوالے کی جائے گی۔20 ہزار سے زائد ای چالان نادہندہ گاڑیوں کے کاغذات کو قبضہ میں لیا گیا۔سٹی ٹریفک پولیس کی 17 ٹیمیں ای چالان نادہندہ گاڑیوں کے خلاف کارروائی بھی کررہی ہیں۔ٹریفک وارڈنز کو ڈیوائسز اور پرنٹر بھی فراہم کئے گئے ہیں۔ڈیوائسز کی مدد سے باآسانی ای چالان نادہندہ گاڑیوں کا پتہ کیا جاسکتا ہے۔ای چالان نادہندہ گاڑیوں کیخلاف ٹریفک پولیس اور سیف سٹی کی مشترکہ کارروائیاں جاری ہیں۔