لندن (مانیٹرنگ ڈیسک، این این آئی)مسلم لیگ (ن) کی مرکزی نائب صدر مریم نواز کے بیٹے جنید صفدر کے نکاح کی تقریب گزشتہ شب لندن کے مقامی ہوٹل میں منعقد ہوئی۔سوشل میڈیا پر جنید صفدر کی والدہ مریم نواز نے بیٹےاور بہو کی تصاویر شیئر کرتے ہوئے ان کیلئے نیک
خواہشات کا اظہار کیا جب کہ اس دوران مریم نواز کی بہو عائشہ سیف کا برائیڈل جوڑا موضوعِ بحث بنا رہا۔میڈیا رپورٹس میں کہا جارہا ہےکہ عائشہ سیف نے بھارت کے مقبول و معروف ڈیزائنر ‘سبیاساچی’ کا تیار کردہ برائیڈل لباس پہنا۔تصاویر میں عائشہ سیف کو ہلکے گلابی رنگ کے دلکش لہنگے میں ملبوس دیکھا جاسکتا ہے اور یہ بھارتی طرز کا جوڑا تھا۔جب کہ سبیاساچی کے آفیشل انسٹاگرام پر موجود دُلہن کی تصویر میں بھی لڑکی بالکل اسی طرز کا لباس زیب تن کی ہوئی ہے۔ دوسری جانب پاکستان مسلم لیگ (ن) کی نائب صدر مریم نواز کے صاحبزادے جنید صفدر کے نکاح کی تصاویر وائرل ہوگئیں ایک تصویر میں دیکھا جاسکتا ہے کہ جنید صفدر اپنے نانا سابق وزیراعظم نواز شریف کے ساتھ اسٹیج پر بیٹھے ہوئے ہیں۔نکاح کی تقریب میں سابق وزیراعظم نواز شریف اور سابق وزیر خزانہ اسحاق ڈار سمیت خاندان کے قریبی افراد شریک تھے۔سوشل میڈیا پر سامنے آنے والی تصاویر میں دیکھا جاسکتا ہے کہ دلہے جنید صفدر کالے پینٹ کوٹ میں پہنے ہوئے ہیں۔
