پشاور(این این آئی)افغانستان میں طالبان نے کنٹرول سنبھالنے کے بعد طورخم سرحد پر اپنا جھنڈا لہرا دیا۔ طورخم سرحد پر تجارتی سرگرمیاںمکمل طورپر بحال ہوگئی ہے۔افغانستان میں طالبان کی آمد کے ساتھ ہی پاک افغان سرحد طورخم کا کنٹرول بھی طالبان نے سنھبال لیاہے۔طورخم سرحد پر افغان حدود میں طالبان کے مسلح دستے مختلف شفٹوں میں ڈیوٹیاں سرانجام دے رہے ہیں، ۔افغانستان سے پاکستان آنے والے لوگوں کاکہناہے کہ ہم افغانستان میں طالبان کی آنے سے خوش ہے،دونوں ممالک کے درمیان تجارتی سرگرمیاں بھی بحال ہے۔پاکستان سے ٹرالر اور کنٹینرز افغانستان جبکہ افغانستان سے مال بردار ٹرالے کلیرنس کے بعد پاکستان آ رہے ہیں،افغان طالبان نے طورخم سرحد کا کنٹرول سنھبالنے کے بعد اپنا جھنڈا بھی لہرا دیا۔

موضوعات:طالبان