کابل(این این آئی)سابق افغان سفیر ملا عبدالسلام ضعیف نے کہا ہے کہ طالبان نہیں امریکا کی سوچ میں تبدیلی آئی ہے، طالبان کی سفارت کاری میں تبدیلی آئی ہے۔غیرملکی خبررساں ادارے کے مطابق یہ بات سابق افغان سفیر ملا عبدالسلام ضعیف نے جاری کیئے گئے ایک بیان میں کہی ۔انہوں نے مزید کہا کہ افغانوں پر مشتمل حکومت بنائیں گے، جس کے سیاسی طریقہ کار اور ڈھانچے پر طالبان کام کر رہے ہیں۔سابق افغان سفیر ملا عبدالسلام ضعیف کا یہ بھی کہنا تھا کہ افغان حکومت کو عالمی سطح پر قانونی حیثیت حاصل ہو گی۔