کابل(این این آئی)افغانستان کے دارالحکومت کابل کے ہوٹل میں پھنسے 169 امریکیوں کو 3 ہیلی کاپٹرز سے نکال لیا گیا۔میڈیارپورٹس کے مطابق یہ بات ایک بیان میں امریکی محکمہ دفاع پینٹاگون کے ترجمان جان کربی نے بتائی ۔انہوں نے کہاکہ امریکا کی جانب سے افغانستان کے دارالحکومت کابل کے ہوٹل میں پھنسے 169 امریکی

شہریوں کے انخلا کے لیے 3 ہیلی کاپٹرز تعینات کیئے گئے۔انہوں نے مزید کہا کہ امریکی شہریوں کو کابل ایئر پورٹ کے قریب ہوٹل سے ہیلی کاپٹرز کی مدد سے نکالا گیا ہے۔پینٹاگون کے ترجمان جان کربی کا یہ بھی کہنا تھا کہ کابل ایئرپورٹ پر رش کے باعث امریکی شہری ایئر پورٹ نہیں پہنچ سک رہے تھے۔