واشنگٹن(این این آئی)عراق جنگ لڑنے والے ایک سابق امریکی فوجی نے اپنے تمام تمغے واپس لوٹانے کا اعلان کرتے ہوئے کہا کہ عراق جنگ کی جو وجہ بتائی گئی وہ جھوٹ پر مبنی تھی۔بین الاقوامی ویب سائٹ کے مطابق عراق جنگ لڑنے والے ایک سابق امریکی فوجی نے کہا کہ عراق میں بڑے پیمانے پر تباہی پھیلانے والے ہتھیاروں کا کوئی سراغ نہیں ملا،
سب جھوٹ تھا۔امریکی فوجی نے اپنے تمام تمغے واپس لوٹانے کا اعلان بھی کیا۔اس سے قبل سنہ 2012 میں بھی عراق جنگ کے خاتمے پر جنگ میں لڑنے والے امریکی فوجیوں کی ایک بڑی تعداد نے اپنے سروس میڈلز واپس لوٹانے کا اعلان کیا تھا۔امریکی فوجیوں کا کہنا تھا کہ تمغے، فیتے اور جھنڈے انسانوں کی بربادی کا مداوا نہیں کر سکتے۔
