کابل (این این آئی)افغانستان کے دارالحکومت کابل کے کرتے پروان گوردوارے میں پناہ لینے والے سکھوں اور ہندوں سے طالبان کے مقامی کمانڈرز نے ملاقات کی۔

میڈیا رپورٹس کے مطابق کابل میں طالبان کے قبضے کے بعد تقریباً 300 سے زائد سکھوں اور ہندؤں نے گوردوارے میں پناہ لی ہوئی ہے جس میں 270 سے زائد سکھ اور 50 ہندو شامل ہیں۔رپورٹس میں کہا گیا ہے کہ کابل کے گوردوارے میں پناہ لینے والوں میں غزنی اور دیگر علاقوں کے رہائش پذیر افراد بھی شامل ہیں جنہوں نے صورتحال خراب ہونے پر دارالحکومت کا رخ کیا تھا۔رپورٹس کے مطابق پناہ لینے والے ہندؤں اور سکھوں سے طالبان کے مقامی کمانڈرز نے گوردوارے میں جاکر ملاقات کی اور ساتھ ہی انہیں مکمل سکیورٹی کا یقین دلایا ہے۔رپورٹس میں بتایا گیا ہے کہ طالبان نے ہندو اور سکھ افراد سے ملک نہ چھوڑنے کی اپیل کی۔