لندن(آن لائن)برطانوی وزیر دفاع بین والس نے اعتراف کیا ہے کہ ’کچھ لوگ افغانستان سے واپس نہیں آ پائیں گے۔‘اس سے قبل بین والس نے کہا تھا کہ انھیں یقین ہے کہ تمام برطانوی شہریوں کو بحفاظت نکال کیا جائے گا۔ تاہم پیر کی صبح ایل بی سی ریڈیو پر وہ آبدیدہ ہو گئے۔میرے لیے یہ پچھتاوے کی بات ہے لیکن دیکھیں، کچھ لوگ واپس نہیں آ پائیں گے اور ہمیں تیسرے ممالک کے ساتھ کام کر کے انھیں تحفظ فراہم کرنا ہے۔‘جب ان سے پوچھا گیا کہ وہ اتنے غمزدہ کیوں ہیں تو بین والس نے کہا ’کیونکہ میں بھی ایک فوجی ہوں کیونکہ یہ ایک افسوسناک بات ہے اور مغرب نے جو کرنا تھا وہ کر لیا۔ اب ہمارا کام ہے کہ ہم اپنے فرایض نبھائیں اور 20 برس کی قربانیاں رائیگاں نہ جانے دیں۔

موضوعات:برطانوی وزیر دفاع