ہر ٹورنامنٹ میں بھارت کیساتھ ہی میچ کیوں رکھا جاتا ہے؟ پی سی بی نے آئی سی سی سے بڑا مطالبہ کرتے ہوئے وضاحت مانگ لی

2  اگست‬‮  2021

اسلام آباد(مانیٹرنگ ڈیسک)پی سی بی نے کھیلوں کی عالمی تنظیم انٹر نیشنل کرکٹ کونسل سے وضاحت طلب کی ہے کہ کس فارمولے کے تحت ہر آئی سی سی ٹورنامنٹ میں پاکستان اور بھارت کو ایک گروپ میں رکھا جاتا ہے۔ٹورنامنٹ کی گروپنگ اگر اس بنیاد پر ہے کہ آئی سی سی پیسے کمائے توپاک بھارت میچ سے ہونے والی اضافی آمدنی کا شیئر پاکستان کو کیوں نہیں دیا جاتا۔

روزنامہ جنگ میں عبدالماجد بھٹی کی شائع خبر کے مطابق پی سی بی ذرائع کا کہنا ہے کہ چیئرمین احسان مانی نے آئی سی سی کو لکھے گئے خط میں کئی سوالات اٹھائے ہیں اور اپنا اضافی حصہ مانگا ہے۔واضح رہے کہ آئی سی سی کے ہر ٹورنامنٹ ، جس میں ورلڈ کپ،ٹی ٹوئنٹی ورلڈ کپ،چیمپنز ٹرافی،انڈر19ورلڈ کپ ،خواتین ورلڈ کپ شامل ہیں، پاکستان اور بھارت کو ایک گروپ میں رکھاجاتا ہے۔اکتوبر میں امارات میں ہونے والے ٹی ٹوئنٹی ورلڈ کپ میں بھی دونوں ٹیمیں افغانستان ،نیوزی لینڈ اور دو کوالی فائر ٹیموں کے ساتھ ایک ہی گروپ ٹومیں ہیں۔روایتی حریفوںکاگروپ میچ رکھنے کی ایک وجہ یہ ہے کہ دونوں ٹیمیں فائنل میں بھی ایک دوسرے کے مدمقابل آئیں ،جس سے یہ آمدنی ڈبل ہوجائے۔پاک بھارت میچ کے نشریاتی حقوق سے آئی سی سی کو ریکارڈ آمدنی ہوتی ہے جو کسی اورکھیل میں ،دو ٹیموں کے درمیان ہونے والی ایک میچ کی آمدنی میں سب سے زیادہ ہے۔ذرائع کا کہنا ہے کہ آئی سی سی اپنی آمدنی سے بھارت کو آٹھ سال کا شیئر تقریباً495ملین ڈالرز دیتا ہے اس کے مقابلے میں پاکستان کو اسی عرصے کا

حصہ145ملین ڈالرز ملتا ہے۔بھارت کو زیادہ شیئر اس لئے دیا جاتا ہے کہ زیادہ تر اسپانسرز بھارت کی کمپنیاں ہیں۔ذرائع کا کہنا ہے کہ احسان مانی نے کہا ہے کہ آئی سی سی کس بنیاد پر دنیا کے ہر ٹورنامنٹ میں روایتی حریفوں کو ایک گروپ میں رکھتی ہے۔اگر پیسے کمانے کے لئے اس فارمولے کو اپنایا جاتا ہے تو پاکستان کو بھی اس آمدنی کا اضافی شیئر دیا جائے کیوں کہ اگر بھارت کی دو ٹیمیں آپس میں کھیلیں گی تو اتنی آمدنی نہیں ہوسکتی۔

موضوعات:



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…