کراچی (این این آئی)معروف اداکارہ اْشنا شاہ نے ہنزہ میں آلودگی کی نشاندہی پر کینڈین وی لاگر روزی گیبریل کو کھری کھری سْنادیں۔ حال ہی میں کینیڈین وی لاگر روزی گیبریل نے ہنزہ سمیت پاکستان کے دیگر سیاحتی مقامات پرآلودگی کی نشاندہی کرتے ہوئے ان جگہوں کو صاف ستھرا رکھنے کی اپیل کی تھی اور اس ضمن میں اْنہوں نے

اپنے تصدیق شدہ انسٹاگرام اکاؤنٹ پر ایک طویل پوسٹ بھی شیئر کی تھی۔کینیڈین وی لاگر روزی کی اس پوسٹ کو جہاں سوشل میڈیا صارفین کی جانب سے سراہا گیا تو وہیں خوبرو اداکارہ اْشنا شاہ نے وی لاگر کو آڑے ہاتھوں لیتے ہوئے شدید تنقید کا نشانہ بنایا۔ اْشنا شاہ نے کہا کہ ’ہمیں خود کو ٹھیک کرنے کے لیے آپ کی بالکل بھی ضرورت نہیں ہے‘۔اداکارہ نے مطالبہ کیا کہ ’اب حکومتِ پاکستان کو یوٹیوب ویزوں کا اجرا روک ہی دینا چاہیے‘۔ دوسری جانب اداکارہ کنزہ ہاشمی نے انکشاف کیا ہے کہ ایک وقت ایسا بھی تھا جب انہوں نے مِنال خان کو ایمن سمجھ لیا تھا۔کنزہ ہاشمی نے ایک ویب شو میں شوبز انڈسٹری کی جڑواں بہنوں ایمن اور منال سے متعلق دلچسپ قصہ سناتے ہوئے بتایا کہ کس طرح انہیں غلط فہمی کا سامنا کرنا پڑا تھا۔ اداکارہ نے بتایا کہ ان دِنوں میں منیب کے ساتھ شوٹ کررہی تھی کہ ایک دن میری ملاقات مِنال سے ہوئی جسے میں نے ایمن سمجھ کر بات چیت شروع کردی۔کنزہ نے کہا کہ ہم نے ڈرامے کی شوٹنگ کے دوران فلم دیکھنے کا پلان بنایا تھا، اسی لئے میں نے اس حوالے سے بھی منال کو ایمن سمجھ کر کہہ دیا کہ چلو پھر اس دن ملاقات کریں گے اور منال نے بھی حامی بھرلی۔واقعہ سے محظوظ ہوتے ہوئے اداکارہ نے کہا کہ جب ہم فلم دیکھنے کیلئے ملے اس دن وہاں منیب کے ہمراہ ایمن آئی ہوئی تھی، میں نے اس سے کہا کہ ہماری پرسوں ملاقات ہوئی تھی نا جس پر وہ صاف مکر گئی۔کنزہ ہاشمی نے بتایا کہ مجھے کافی حیرانی ہوئی جس کے بعد میں نے اپنے دوست سے میسج کرکے پوچھا کہ اس دن ہم ایمن سے ملے تھے نا؟ دوست کا جواب آیا کہ نہیں وہ منال تھی۔