اسلام آباد (این این آئی) قومی اسمبلی کی قائمہ کمیٹی برائے بین الصوبائی رابطہ کو چیئر مین پی سی بی احسان مانی نے بتایا ہے کہ میں کوئی تنخواہ نہیں لیتا سب کچھ ویب سائٹ پر موجود ہے،ہمارے تمام اکاوئنٹس کا ڈیٹا موجود ہے ،ہمارے چار لیول کے آڈٹ ہوتے ہیں کچھ چھپ نہیں سکتا۔ جمعہ کو آغاز حسن بلوچ کی زیر صدارت قومی اسمبلی
کی قائمہ کمیٹی برائے بین الصوبائی رابطہ کا اجلاس ہوا جس میں ممبر گل داد خان نے بتایاکہ خان صاحب کے آنے سے پہلے ایک اسٹیڈیم کا ٹینڈر جاری ہوا تھا وہ کہاں ہے۔سیکرٹری وزارت بین الصوبائی رابطہ محسن مشتاق نے کہاکہ میں چیف سیکرٹری صاحب سے بات کر لیتا ہوں۔ ممبر گل ظفر خان نے کہاکہ آٹھ میٹنگز ہوچکی صرف ایک اسٹیڈیم کیلئے آئوٹ پٹ کچھ بھی نہیں۔ محسن مشتاق نے کہاکہ وزیراعظم صاحب نے کہا باجوڑ میں اسٹیڈیم بنے گا۔ سیکرٹری وزارت بین الصوبائی رابطہ نے کہاکہ ڈی سی باجوڑ نے لکھا ہمارے پاس زمین ہی نہیں۔ پی سی بی چیئر مین نے کہاکہ تنخواہیں پوچھی جائیں سب کی ان کیمرہ پوچھا جائے کتنی تنخواہ لی جارہی ہے۔ سیکرٹری نے کہاکہ ممبران سے کہتا ہوں الگ کیمرے میں آجائیں تنخواہیں تو ابھی بتا سکتے ہیں۔ ممبر کمیٹی گل ظفر خان نے کہاکہ نیب اور ایف آئی اے کی افسران کی کمیٹیوں میں تفصیل لی جاتی ہے آپ نے ایسا کیا کیوں جو چھپا کر بتانا چاہ رہے ہیں۔ مہرین رزاق بھٹو نے کہاکہ ہمیں پی سی بی کے چیرمین اور افسران کی تنخواہوں کی تفصیل دی جائیں۔مہرین رزاق بھٹو نے کہاکہ ان کیمرہ وہ ہوتی ہیں جو ملکی سلامتی سے متعلق ہوں تنخواہیں کب سے ملکی سلامتی کا ایشو ہوگیا۔ ممبر کمیٹی روبینہ جمیل نے کہاکہ ہمیں بجٹ کا بتایا جائے اور کتنا پیسہ کدھر جاتا ہے۔ احسان مانی نے کہاکہ میں
کوئی تنخواہ نہیں لیتا سب کچھ ویب سائٹ پر موجود ہے،ہمارے تمام اکاوئنٹس کا ڈیٹا موجود ہے ،ہمارے چار لیول کے آڈٹ ہوتے ہیں کچھ چھپ نہیں سکتا۔ ممبر کمیٹی اقبال خان نے کہاکہ وسیم خان کی قابلیت کیا ہے۔ چیئر مین پی سی نے جواب دیاکہ جتنے وسیم خان قابل ہیں اتنا پورے پاکستان میں کوئی نہیں جس پر پوری کمیٹی میں قہقہے سنے
گئے ۔ اقبال خان نے کہاکہ خدا کو مانیں اس نے کونسا اب تک کارنامہ کیا ہے۔ گل ظفر خان نے کہاکہ فواد عالم سمیت باجوڑ کے کئی بہترین کرکٹر کو پوچھا تک نہیں جاتا،ایک ایم این اے کے کہنے پر اگر کھلاڑی رکھنے ہیں تو کیا میرٹ ہے۔ممبر کمیٹی گل ظفر خان نے کہاکہ لوگ سفارش پر رکھے جاتے ہیں۔ احسان مانی نے کہاکہ نہیں ایسا کچھ نہیں،سب میرٹ پر ہوتا ہے۔
