پیرس (این این آئی)خوشبوئوں کے شہر پیرس میں آج کل فیشن کی بہاریں عروج پر ہیں جہاں پیرس فیشن ویک میں موسمِ خزاں اور موسمِ سرما کے دیدہ زیب ملبوسات کی نمائش کا آغاز ہو گیا ہے۔سال 2018ء اور 2019ء کے ان ملبوسات میں جہاں ایک طرف اسٹائل کا مکمل خیال رکھا گیا ہے وہیں رنگوں کے چناو? میں بھی خواتین کی پسند کو مدِ نظر رکھ کر کلیکشن تیار کی گئی ہیں۔

فیشن ویک کے آغاز پر ریڈی ٹو ویئر نامی فیشن ویک میں کئی نامور ڈیزائنرز کی کلیکشن حاضرین کے سامنے پیش کی گئیں، جنہیں زیب تن کر کے ماڈلز ریمپ پر پہنچیں تو فیشن کے دلدادہ افراد نے جی بھر کر داد دی۔دلکش رنگوں کی حامل اسکرٹس، میکسی اورشرٹس کی کلیکشن میں ماڈلز ریمپ جلوہ گر ہوئیں تو کوئی بھی داد دئیے بغیر نہ رہ پایا، صرف یہی نہیں ریمپ کو بھی نہایت خوبصورتی سے ڈیزائن کیا گیا تھا۔پیرس کا یہ رنگا رنگ ریڈی ٹووئیر فیشن ویک 6مارچ تک جاری رہے گا۔