لاہور (این این آئی) شامی افواج کی جانب سے دمشق سمیت مختلف علاقوں میں کی جانے والی بمباری سے نہتے اور بے گناہ شہریوں کی ہلاکت پر جہاں ہر آنکھ اشکبار ہے وہیں فنکار بھی غمگین ہیں۔شام کے دارالحکومت دمشق کے مشرق میں قائم شہر غوطہ میں شامی اور روسی افواج کی بمباری میں ایک ہفتے کے دوران تقریباً 500 سے زیادہ بے گناہ شہری مارے جا چکے ہیں جن میں 120 بچے بھی شامل ہیں۔ایسے میں اس قتل عام کیخلاف شوبز سے وابستہ فنکاروں
نے بھی آواز بلند کر دی ہے۔ ماورا حسین نے شامی فوج کے ظلم کا شکار ہونے والی پھول سی ننھی بچی کی تصویر ٹویٹ کرتے ہوئے نہایت افسوس کا اظہار کیا اور ان لوگوں کیلئے دعا کی درخواست کی جو شامی فوج کے ظلم کا شکار ہیں یا بمباری میں ہلاک ہوچکے ہیں۔ نامور پاکستانی اداکارہ ماہرہ خان نے شام میں ہونیوالے ظلم پر عالمی برادری کی بے حسی پر افسوس کا اظہار کیا۔ بھارتی اداکارہ ایشا گپتا نے بھی شام میں جاری خون ریزی پر اظہار افسوس کیا۔
