لاہور(مانیٹرنگ ڈیسک)پاکستان کے معروف گلوکارجواد احمد نے کسی اورجماعت بشمول تحریک انصاف میں شامل ہونے کے بجائے خود اپنی جماعت بنانے کافیصلہ کیاہے اوراپنی جماعت کی ر جسٹریشن کےلئے انہوں نے الیکشن کمیشن کودرخواست بھی جمع کرادی ہے ۔تفصیلات کے مطابق گلوکار جواد احمد نے گلوکاری سے اپنے سفر کا آغاز کیا اور خوب نام کمایا، انہوں نے سماجی کاموں میں قدم رکھااور اس میں بھی نام کمایاہے۔

جواد احمد نے نئی سیاسی جماعت بنانے کے لیے درخواست دائر کی ہے جواد نے اپنی سیاسی جماعت کا نام ’برابری‘ رکھا ہے ۔ جواد احمد نے اپنی جماعت کے نام کے بارے میں گفتگوکرتے ہوئے بتایاکہ جیساکہ جماعت کانام برابری ہے اس لئے میراپیغام ہے کہ  میری یہ جماعت سب کے لیے برابری کا پیغام لائے گی اور سب کو برابر کے حقوق دلوائے گی اوراب الیکشن کمیشن کوجماعت کی ر جسٹریشن کےلئے درخواست جمع کرادی ہے ۔

موضوعات:تحریک انصاف جواد احمد