ممبئی (این این آئی)سائوتھ انڈین فلم ’باہو بلی ‘ کی تیاری میں 270کروڑ روپے خرچ کیے گئے تفصیلات کے مطابق فلم میں پربھاس نے ہیرو کا کردار نبھایا جبکہ انوشکا شیٹھی نے ہیروئن کی ذمہ داری نبھائی ۔فلم کی تیاری میں 270کروڑ بھارتی روپے خرچ کیے گئے جبکہ بھارتی میڈیا نے ذرائع سے کہاکہ پربھاس نے اس فلم کیلئے 25کروڑ روپے معاوضہ طلب کیا جبکہ انوشکا شیٹھی نے فلم کیلئے 4کروڑ روپے فیس لی ۔
سائوتھ انڈین سپر سٹار پربھاس ان دنوں حال ہی میں ریلیز ہوئی فلم باہو بلی 2 کی وجہ سے بحث میں ہیں ٗ اس فلم میں پربھاس طرف نبھائے گئے رول نے انہیں پوری دنیا میں مشہور کر دیا تاہم وہ حقیقی زندگی میں پروفیشنل انجینئر ہیں ٗ37سالہ پر بھاس نے بھارتی شہر حیدرآباد سے بی ٹیک کیا ہے تاہم انہوں نے فلمی دنیا میں بہترین شہرت کمائی ، انہوں نے 2002 میں فلم ایشور سے اپنا ایکٹنگ کیریئر شروع کیا تھا، اس کے بعد انہوں نے فلم ورشم (2004) ٗچھترپتی ٗ(2005) ٗبلا(2009) ٗڈارلنگ (2010) ٗمسٹر پرفیکٹ (2011) سمیت کئی دیگر فلموں میں اداکاری کے جوہر دکھا ئے ہیں ٗان کی فلم باہو بلی ایک نے انہیں شہرت کی اس بلندیوں پر پہنچا دیا تھا جس کی ہر کوئی اداکار خواہش کرتا ہے ٗوہ 2014 میں آئی بالی وڈ فلم ایکشن جیکسن میں آئٹم نمبر میں بھی نظر آئے ہیں۔
