نئی دہلی(این این آئی)دنیا کی چھوٹی ترین واشنگ مشین ایک تماگوٹچی (انڈے کے برابر برقی آلہ)سے بھی چھوٹی ہے۔غیرملکی خبررساں ادارے کے مطابق ایک بھارتی شہری نے دنیا کی سب سے چھوٹی واشنگ مشین اپنی مختصر ترین چیزیں بنانے پر مبنی انجینئرنگ کی مہارت کو استعمال کرکے تیار کی جسکی پیمائش صرف 1.28 انچ بائی 1.32 اور 1.52 انچ ہے۔

گنیز ورلڈ ریکارڈز نے سیبین سجی کی اس واشنگ مشین جو کہ ایک تماگوٹچی ڈیجیٹل پیٹ سے بھی چھوٹی ہے کی تصدیق کی۔واضح رہے کہ یہ دنیا کی سب سے چھوٹی مشین ہے اور اسکا وزن صرف اعشاریہ 88 اونس ہے۔ریکارڈ کیلیے کوالیفائی کرنے کے لیے، ساجی کو یہ ظاہر کرنا پڑا کہ اس کی واشنگ مشین فعال ہے اور یہ ایک مکمل سائیکل چلا سکتی ہے اور کپڑے دھونے کے علاوہ انھیں گھما سکتی ہے۔