بیجنگ(این این آئی)مختصر دورانیے کی ویڈیوز کے عالمی شہرت یافتہ پلیٹ فارم ٹک ٹاک نے اعلان کیا ہے کہ چند معروف اکاونٹس کو یہ اجازت دی جائے گی کہ وہ سبسکرائبرز سے فیس وصول کر سکیں۔میڈیارپورٹس کے مطابق ٹک ٹاک انتظامیہ نے بتایاکہ لائیو سبسکرپشن اس کی حکمت عملی کا حصہ ہے تاکہ ڈیجیٹل مواد بنانے والوں کی مالی طور پر مدد ہو سکے۔ کمپنی کے مطابق ابتدا میں صرف دعوت ملنے پر یہ فیچر فعال ہو سکے گی مگر جلد ہی یہ دنیا بھر میں دستیاب ہو گی۔ ٹک ٹاک کے حریف انسٹاگرام اور فیس بک نے بھی حال ہی میں ایسے اقدامات متعارف کرائے ہیں۔