ہفتہ‬‮ ، 05 اپریل‬‮ 2025 

فیس بک نیا اور دلفریب فیچر تیار کرنے میں مصروف

datetime 24  جون‬‮  2018
ہمارا واٹس ایپ چینل جوائن کریں

اسلام آباد (مانیٹرنگ ڈیسک) دنیا کی سب سے بڑی سوشل ویب سائٹ فیس بک کی خاص بات یہ ہے کہ اس کے ریسرچرز کی ٹیم ہر وقت ایسے ٹولز اور فیچر بنانے میں مصروف رہتی ہے، جو صارفین کے لیے دلچسپی کا باعث بنتے ہیں۔ ہر ماہ کوئی نہ کوئی نیا فیچر یا نئی تبدیلی متعارف کرانے کی وجہ سے ہی شاید فیس بک آج تک دنیا بھر کے لوگوں کی پسندیدہ سوشل ویب سائٹ ہے۔ اگرچہ کچھ ہفتے قبل ہی فیس بک نے ’میموریز‘ کا پرانے فیچر ’آن دس ڈے‘ سے ملتا جلتا نیا فیچر متعارف کرایا تھا ۔

تاہم اب اطلاعات ہیں کہ فیس بک ایک نئے اور دلفریب فیچر بنانے میں مصروف عمل ہے، جسے جلد ہی متعارف کرایا جائے گا۔ اطلاعات ہیں کہ فیس بک انجنیئرز کی ٹیم ’یوئر ٹائن آن فیس بک‘ نامی نیا فیچر بنانے میں مصروف ہے، جس سے صارفین کو اپنے وقت کو ٹھیک طرح سے استعمال کرنے کی سہولت میسر ہوگی۔ ٹیکنالوجی نشریاتی ادارے ٹیک کرنچ میں شائع رپورٹ کے مطابق فیس بک انجنیئرز کی ٹیم گزشتہ کئی ماہ سے اس نئے فیچر کو پایہ تکمیل تک پہنچانے میں مصروف ہے۔ رپورٹ کے مطابق فیس بک انتظامیہ نے اس بات کی تصدیق کی ہے کہ ان کے انجنیئر کی ٹیم ٹائم فیچر پر کام کر رہی ہے، جسے جلد ہی فیس بک سمیت انسٹاگرام پر بھی متعارف کرایا جاسکے گا۔ فیس بک کا یہ فیچر آپ کو ضرور پسند آئے گا اس فیچر کی سامنے آنے والی اسکرین شاٹ تصاویر سے پتہ چلتا ہے کہ اس فیچر کے ذریعے صارف کو فیس بک پر مرضی کا وقت گزارنے کا موقع بھی دیا جائے گا۔ نئے فیچر کے ذریعے صارف کو فیس بک انتظامیہ نوٹیفکیشن کے ذریعے آگاہ کرے گی کہ وہ فیس بک پر اپنے متعین کردہ وقت کی حد پار کرنے کو ہے یا پھر اس کا مقررہ وقت ختم ہونے کو ہے۔ اس فیچر کو استعمال کرنے کے لیے صارف کو پہلے فیچر کی ٹائم سیٹنگ میں جاکر اس میں سیٹنگ کرنی پڑے گی، یعنی اگر صارف فیس بک کو ایک گھنٹہ استعمال کرنا چاہتا ہے تو اسے ٹائم سیٹنگ میں ایک گھنٹہ لکھنا پڑے گا، جس کے بعد مقررہ وقت ہونے پر فیس بک کا خودکار نظام اسے نوٹی فکیشن کے ذریعے آگاہ کرے گا کہ ان کا وقت ختم ہونے کو ہے۔ کیا آپ فیس بک کے اس بہترین فیچر سے واقف ہیں؟ ابھی یہ واضح نہیں ہے کہ کیا اس فیچر کے ذریعے ٹائم سیٹنگ کے بعد فیس بک خود بخود بند ہوجائے گا یا پھر ویب سائٹ کھلی ہی رہے گی، صرف صارف کو نوٹی فکیشن دیا جائے گا ۔

خیال کیا جا رہا ہے کہ اس فیچر کے ذریعے فیس بک از خود لاگ آؤٹ نہیں ہوگا، صرف صارف کو نوٹی فکیشن دیا جائے گا۔ ساتھ ہی اس فیچر کے ذریعے صارف گزشتہ ایک ہفتے کے دوران فیس بک پر گزارے گئے اپنے وقت کی ہسٹری بھی دیکھ سکے گا۔ اس فیچر کو ذریعے صارف ایک ہفتے کی ہر دن کے حساب سے اپنی ہسٹری دیکھ سکے گا۔ ابھی یہ کہنا قبل از وقت ہے کہ اس فیچر کو کب تک متعارف کرایا جائے گا، تاہم امکان ہے کہ اسے آئندہ چند ہفتوں میں پیش کیا جائے گا۔

موضوعات:



کالم



زلزلے کیوں آتے ہیں


جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…