نوکیا کا 2018 میں پہلا فون پاکستان میں متعارف

اسلام آباد (مانیٹرنگ ڈیسک) نوکیا نے 2018 مٰں اپنا پہلا اسمارٹ فون پاکستان میں فروخت کے لیے پیش کردیا ہے۔ نوکیا سکس (2018) گزشتہ سال کے ماڈل کا اپ ڈیٹ ورژن ہے جسے پاکستان میں متعارف کرایا گیا۔ یہ فون پہلے چین اور پھر فروری میں موبائل ورلڈ کانگریس کے دوران پیش کیا گیا تھا اور اب اس کی پاکستان آمد ہوئی ہے۔  نوکیا کے 4 نئے اینڈرائیڈ اسمارٹ فونز متعارف نوکیا کا یہ فون 5.5 انچ کے فل ایچ ڈی ڈسپلے کے ساتھ ہے جس میں آئی پی ایس ایل سی ڈی پینل دیئے گئے ہیں ۔ جبکہ گزشتہ سال کے مقابلے میں اس بار فنگر پرنٹ سنسر بیک پر منتقل کردیا گیا ہے۔ نوکیا سکس 2018 میں اسنیپ ڈراگون 630 پراسیسر دیا گیا ہے جو کہ پہلے کے مقابلے میں زیادہ طاقتور ہے، گزشتہ سال کے فون میں اسنیپ ڈراگون 430 پراسیسر موجود تھا۔ تھری جی بی ریم اور 32 جی بی اسٹوریج دی گئی ہے جس میں مائیکرو ایس ڈی کارڈ سے اضافہ کیا جاسکتا ہے جبکہ اسٹاک اینڈرائیڈ اوریو آپریٹنگ سسٹم دیا گیا ہے۔ اس فون کے بیک پر 16 میگا پکسل کا کیمرہ موجود ہے جس میں ڈوئل ایل ای ڈی فلیش ہے جبکہ فرنٹ پر 8 میگا پکسل کیمرہ دیا گیا ہے۔  نوکیا نے چپکے سے نیا اسمارٹ فون پیش کردیا اس میں 3000 ایم اے ایچ بیٹری ہے جس کو فاسٹ چارجنگ کے لیے یو ایس بی ٹائپ سی سپورٹ دی گئی ہے اور کمپنی کے مطابق آدھے گھنٹے میں ہی اسے 50 فیصد تک چارج کیا جاسکتا ہے۔ کاص بات یہ ہے کہ اس بیٹری کا اسٹینڈ بائی ٹائم 507 گھنٹے یا 21 دن تک ہے جبکہ لگاتار 16 گھنٹے تک بات کی جاسکتی ہے یا 119 گھنٹے تک میوزک پلے کیا جاسکتا ہے۔ اس کی قیمت پاکستان میں 29 ہزار 900 روپے رکھی گئی ہے۔