بیجنگ(نیوزڈیسک)چین میں انتہائی امیر افراد کی تعداد دوہزارسے بڑھ گئی ۔ایک چینی میگزین ہوران کی مرتب کردہ ایک سروے رپورٹ کے مطابق گزشتہ سال چین کے انتہائی امیر افراد کی تعداد 1877 تھی جو اس سال بڑھ کر2056 ہو گئی۔سروے رپورٹ کے مطابق چین کے امیر ترین افراد میں اول نمبر پر 62 سالہ وانگ جیان لنگ ہیں جو ایک پراپرٹی گروپ کے مالک ہیں، ان کی دولت32.1 بلین ڈالر ہے جو گذشتہ سال سے 2 فیصد کم ہوئی ہے۔ دوسرے نمبر پر بعد علی بابا گروپ کے بانی جیک ما ہیں جن کی دولت30.1 بلین ڈالر ہے۔ تیسرے نمبر پر آن لائن گیمنگ اور مواصلاتی کمپنی کی مالک پونی ما ہیںجن کی دولت24.6 بلین ڈالر ہے۔اس سال چین کے امیر ترین افراد کی فہرست میں شامل ہونے والے انوسٹمنٹ کمپنی کے مالک یائو زھنہائو کا معاملہ سب سے پر اسرار ہے جو یکدم 200 افراد کو کراس کرتے ہوئے اوپر آئے ہیں ان کی دولت میں ایک سال میں نو گنا اضافہ ہوا ہے جو اب 17.2بلین ڈالر پر مشتمل ہےاوران تمام افراد میں کوئی بھی ٹیکس ڈیفالٹرنہیں ہے اورنہ ہی کسی چینی بینک کاقرضہ دارہے ۔

موضوعات:چین چینی میگزین ہوران