واٹس ایپ آپ کا ڈیٹا فیس بک پر شیئر کر رہا ہے ۔۔ آپ اس سے کیسے بچ سکتے ہیں ؟ انتہائی اہم معلومات

1 ستمبر‬‮ 2016 |

سلیکان ویلی (ٹیکنالوجی نیوز) سماجی رابطے اور میسجنگ کی دنیا بھر میں مقبول ترین ایپلیکیشن وٹس ایپ کے صارفین گزشتہ ہفتے اپنا ڈیٹا فیس بک سے شیئر ہونے سے متعلق خبر سن کر پریشانی کا شکار ہو گئے ہیں تاہم اس مسئلے کاایک بہت آسان حل بھی موجود ہے اور اگر آپ یہ چاہتے ہیں کہ آپ کا ڈیٹا فیس بک پر شیئر نہ ہوتو اس سلسلے میں آپ کو ایک آسان عمل سے گزرنا ہو گا جس کے بعد آپ کا ڈیٹا فیس بک پر شیئر نہیں ہو سکے گا۔ مگر خبردار رہیں کہ اس کے بعد آپ اس عمل کو واپس نہیں کر سکیں گے۔
ڈیٹا شیئر ہونے سے روکنے کے لئے اگر آپ کو سیٹنگز آپشن میں جانا پڑے گا ۔ اس لئے اگر آپ ایپل آپریٹنگ سسٹم استعمال کرتے ہیں تو وٹس ایپ کھولتے ہی آپ کو سیٹنگز کا آپشن مل جائے گا لیکن اگر آپ اینڈرائیڈ آپریٹنگ سسٹم استعمال کرتے ہیں تو وٹس ایپ ایپلیکیشن کھولنے کے بعد دائیں جانب نظر آنے والے تین نقطوں پر ٹیپ کریں اس سے کھلنے والے مینو میں سے سیٹنگز کا انتخاب کریں ۔ سیٹنگز میں اکائونٹ سیٹنگز کا انتخاب کریں ۔
اس آپشن کاانتخاب کرنے کے بعد مزید دو آپشن نظر آئیں گے جس میں پہلےمیں آپ فیس بک پر اپنی تفصیلات شیئر کرنے کے حوالے سے وٹس ایپ کو اجازت دے سکتے ہیں جبکہ دوسرے آپشن کی مدد سے آپ اس اجازت کو ختم کر سکتے ہیں ۔ مگر جیسے ہی آپ ڈونٹ شیئر پر ٹیپ کریں گے ایک نیا پاپ اپ نمودار ہو کر آپ کو مطلع کرے گا کہ آپ اس آپشن کو بعد میں تبدیل نہیں کر سکیں گے ۔اس آپشن کو سلیکٹ کرنے کے بعد آپ فیس بک پر اپنی تفصیلات وٹس ایپ سے شئیر نہیں کر سکیں گے ۔
تاہم اگر آپ چاہتے ہیں کہ اپنی تفصیلات فیس بک پر شئیر کر سکیں تو اس سلسلے میں مزید پریشان ہونے کی ضرورت نہیں ، صرف وٹس ایپ ان انسٹال کر کے دوبارہ انسٹال کر لیجئے سیٹنگز واپس پہلی والی پوزیشن پر آجائیں گی ۔

موضوعات:واٹس ایپ