سوشل میڈیا پر اربوں لوگ موجود ہیں مگر چند ہی ایسے ہیں جنہوں نے منفرد انداز میں سوشل میڈیا کا استعمال کیا اور مالا مال ہو گئے۔ آج ہم کچھ ایسی لڑکیوں کا ذکر کرنے جا رہے ہیں جو سوشل میڈیا کے استعمال سے فلموں کی بڑی بڑی ہیروئنوں سے بھی زیادہ مقبول ہو گئیں۔ ان کی تصاویر بل بورڈز، میگزینز کے صفحہ اول پر اور ٹی وی سکرینوں پر نظر آنے لگیں اور آج وہ اپنے سوشل میڈیا اکاؤنٹس کے ذریعے ان ہیروئنوں سے زیادہ پیسہ کما رہی ہیں۔ذیل میں ایسی ہی کچھ لڑکیوں کے متعلق آپ کو معلومات دے رہے ہیں جو انسٹاگرام کی صارف تھیں اور وہاں سے شہرت کی بلندیوں پر جا پہنچیں۔26سالہ پیج ہیتھاوے کا تعلق امریکہ کی ریاست منیسوٹا سے ہے۔
وہ اپنے حیران کن جسمانی ساخت کی وجہ سے شہرت رکھتی ہے۔ انسٹا گرام پر اس کی تصاویر بہت زیادہ پسند کی جاتی ہیں۔ وہ اب تک 38لاکھ پاؤنڈ(تقریباً 60کروڑ روپے) کما چکی ہے۔ ہیتھاوے کا کہنا ہے کہ ’’ہر شخص اپنے جسم کو اپنی پسند کے مطابق بنا سکتا ہے، بس اس کے لیے محنت کرنی پڑتی ہے۔ ‘‘ اس کا کہنا تھا کہ ’’میں خواتین کو بااختیار بنانا چاہتی ہوں۔ میں چاہتی ہوں کہ خواتین میری طرف دیکھیں اور خود سے کہیں کہ ہیتھاوے یہ کر سکتی ہے تو ہم بھی کر سکتی ہیں۔‘‘