نیویارک(نیوز ڈیسک )ایپل نے دنیا کا سب سے پتلا لیپ ٹاپ متعارف کرایا ہے جس کے بارے میں ماہرین کا کہنا ہے کہ یہ رواں برس کے آخر میں میگا آئی پیڈ کے لیے راستہ کھولنے کی کوشش ہے۔یہ نیا لیپ ٹاپ جیسے میک بک کا نام دیا گیا ہے، اس کی اسکرین 12 انچ اور فل سائز کی بورڈ پر مشتمل ہے مگر اس کی موٹائی محض 13.1 ملی میٹر جبکہ وزن ایک کلو گرام سے بھی کم ہے۔اس میں ایک نئی پورٹ یو ایس بی سی بھی متعارف کرائی گئی ہے جسے پاور کے ساتھ ساتھ دیگر ڈیوائسز اور ٹی وی وغیرہ کو کنکٹ کرنے کے لیے بھی استعمال کیا جاسکتا ہے۔ماہرین کا کہنا ہے کہ یہ لیپ ٹاپ آئی پیڈ، آئی فون اور میک بک کے دیگر ماڈلز کے درمیان کی ڈیوائس لگتی ہے بلکہ مجموعی طور پر یہ میک کی بجائے آئی پیڈ زیادہ لگتا ہے۔ایپل نے اس لیپ ٹاپ کے کی بورڈ کو بھی ری ڈیزائن کیا ہے اور اس کا دعویٰ ہے کہ یہ پہلے سے 4 گنا زیدہ درست کام کرتا ہے، جبکہ ہر کی کے نیچے ایک ایل ای ڈی موجود ہے اور یہی وجہ ہے کہ تاریکی میں یہ جگمگاتا ہے اور صارفین اندھیرے میں باآسانی کام کرسکتا ہے۔ایپل کے مطابق یہ لیپ ٹاپ سابقہ ماڈلز کے مقابلے میں 30 فیصد کم توانائی خرچ کرے گا اور میک ائیر کے مقابلے میں 24 فیصد زیادہ پتلا ہے۔یہ سلور، گرے اور گولڈ رنگوں میں فروخت کے لیے پیش کیا جائے گا اور اس کی قیمت 1299 ڈالرز سے شروع ہوگی، جبکہ صارفین اسے آئندہ ماہ کی 10 تاریخ سے خریدنا شروع کرسکتے ہیں۔ایپل کا کہنا ہے کہ ریٹینا ڈسپلے، فل سائز کی بورڈ، فورس ٹچ ٹریک پیڈ، ورسٹائل یو ایس بی سی پورٹ اور بہترین بیٹری ڈیزائن کی بدولت یہ نیا میک بک مستقبل کا نوٹ بک ثابت ہوگا۔