اسلام آباد(نیوز ڈیسک) 27 ستمبر کو اسلام آباد کی جانب لانگ مارچ کی کال کے معاملے پر پاکستان تحریک انصاف (پی ٹی آئی) کے اندر اختلافات شدت اختیار کرنے کی اطلاعات ہیں۔
ذرائع کے مطابق بیرون ملک مقیم پی ٹی آئی رہنماؤں نے وزیراعلیٰ خیبر پختونخوا سہیل آفریدی کے فیصلے پر سوالات اٹھاتے ہوئے الزام عائد کیا ہے کہ وسط اگست کے بجائے 27 ستمبر کو لانگ مارچ کی تاریخ مقرر کرنے کے پیچھے کسی خفیہ ڈیل کا امکان ہے۔دوسری جانب وزیراعلیٰ خیبر پختونخوا سہیل آفریدی نے ان الزامات کو مسترد کرتے ہوئے انہیں بے بنیاد قرار دیا ہے۔
ان کا کہنا ہے کہ الزامات عائد کرنے والے شہباز گل کو جلد اپنے بیان پر معذرت کرنا پڑے گی۔سہیل آفریدی نے مزید کہا کہ وہ اس معاملے پر علیمہ خان کو بھی اپنے مؤقف پر قائل کر لیں گے۔واضح رہے کہ اس معاملے پر وزیراعلیٰ خیبر پختونخوا کا تفصیلی انٹرویو آج رات 8 بجے نشر کیا جائے گا، جس میں وہ لانگ مارچ کی تاریخ اور سامنے آنے والے الزامات کے حوالے سے اپنا مؤقف بیان کریں گے۔
