اسلام آباد (نیوز ڈیسک)سما ٹی وی کے پروگرام ’’موقف‘‘ نے ناظرین کی توجہ حاصل کرتے ہوئے سوشل میڈیا پر بھی نمایاں مقبولیت حاصل کر لی ہے
جہاں پروگرام سے متعلق ویڈیوز کلپس اور تبصرے بڑی تعداد میں شیئر کیے جا رہے ہیں۔سینئر صحافی و تجزیہ کار جاوید چودھری اور سینئر تحقیقاتی صحافی عبدالستار خان کی میزبانی میں نشر ہونے والے پروگرام میں ملکی سیاست قومی امور اور اہم موجودہ معاملات پر گفتگو تجزیہ اور مختلف پہلوؤں کا جائزہ پیش کیا جاتا ہے۔پروگرام کے مختلف حصے سوشل میڈیا پلیٹ فارمز پر تیزی سے گردش کر رہے ہیں جبکہ صارفین زیرِ بحث موضوعات پر اپنی آرا اور ردعمل کا اظہار بھی کر رہے ہیں۔ پروگرام سے متعلق بڑھتی ہوئی آن لائن سرگرمی کے باعث ’’موقف‘‘ سوشل میڈیا کے ٹاپ ٹرینڈز میں بھی جگہ بنانے میں کامیاب ہوا ہے۔
سوشل میڈیا پر سامنے آنے والے ردعمل سے ظاہر ہوتا ہے کہ پروگرام کے موضوعات اور تجزیاتی گفتگو کو ناظرین کی جانب سے خاصی توجہ مل رہی ہے جبکہ مختلف کلپس کی شیئرنگ نے پروگرام کی ڈیجیٹل رسائی میں بھی اضافہ کیا ہے۔’’موقف‘‘ کی بڑھتی ہوئی مقبولیت ایسے وقت میں سامنے آئی ہے جب ٹیلی ویژن پروگرامز کے اہم حصے سوشل میڈیا کے ذریعے وسیع تر ناظرین تک پہنچ رہے ہیں اور ڈیجیٹل پلیٹ فارمز عوامی ردعمل اور مباحثے کا اہم ذریعہ بن چکے ہیں۔
