کراچی(این این آئی)منگھوپیر ناردرن بائی پاس دعا ہوٹل کے قریب حب کنال میں رکشہ ڈرائیور بیٹے کو بچاتے ہوئے خود ڈوب کر جاں بحق ہوگیا۔
پولیس کے مطابق متوفی کی شناخت 45سالہ حاجی ندیم کے نام سے ہوئی۔ایس ایچ او منگھوپیر راجہ ذوالفقار حیدر نے بتایا کہ ابتدائی طور پر معلوم ہوا ہے کہ متوفی اپنی فیملی کے ہمراہ کپڑے دھونے کیلئے جب کینال آیا ہوا تھا جہاں اس کے بیٹے کا پائوں سلپ ہو گیا اور بیٹا حب کینال میں گرگیا جسے بچانے کیلئے متوفی نے بھی حب کینال میں چھلانگ لگا دی۔ایس ایچ او نے بتایا کہ متوفی نے اپنے بیٹے کو تو ڈوبنے سے بچالیا تاہم خود ڈوب کر جاں بحق ہوگیا، پولیس واقعے کے حوالے سے مزید بھی تفتیش کررہی ہے۔
