اسلام آباد (این این آئی)اسلام آباد میں جرائم میں اضافہ ہوگیا ،پانچ ماہ میں ساڑھے 8 ہزار سے زائد وارداتوں میں 48شہری جاں بحق ،137زخمی ہوگئے۔

میڈیا رپورٹ کے مطابق گزشتہ 5 ماہ میں اسلام آباد میں چوری، ڈکیتی، قتل اور اقدام قتل کے 8ہزار 587 واقعات رونما ہوئے، سٹی زون میں 4، صدر زون میں 8 اور آئی نائن زون میں 12 افراد سواں زون میں 10 اور رورل زون میں 13 افراد قتل ہوئے جبکہ ڈکیتی مزاحمت پر 4 قتل ہوئے۔5 ماہ میں اغوا کا ایک، اور عصمت دری کے 34واقعات رونما ہوئے جن میں سٹی زون میں عصمت دری کے 3اور صدر زون میں 9واقعات رونما ہوئے۔آئی نائن زون میں 8اور سواں زون میں 10، رورل زون میں 4واقعات عصمت دری کے رونما ہوئے۔رپورٹ کے مطابق اس دوران45گاڑیاں، 854موٹرسائیکل چوری ہوئے۔