کالا شاہ کاکو(این این آئی)تحصیل مریدکے کے نواحی علاقے کوٹ عبداللہ میں تین بچوں کی ماں کی پراسرار موت کا واقعہ سامنے آیا ہے
جبکہ خاتون کے بھائی نے الزام عائد کیا ہے کہ اس کی بہن کو مبینہ طور پر زہر دے کر قتل کیا گیاہے،۔پولیس اطلاع ملنے پر پولیس فوری طور پر موقع پر پہنچی اور واقعے کی تفتیش شروع کر دی گئی ہے ۔تفصیلات کے مطابق متوفیہ کے بھائی اسد علی نے الزام عائد کیا کہ اس کی بہن زنیراکے ساتھ اکثر سسرالیوں کا لڑائی جھگڑا رہتا تھا جس کی وجہ سے زنیرا کو مبینہ طور پر زہر دے کر مارا گیا بھائی کے مطابق سسرالیوں کی جانب سے لاش نہ دینے پر شبہ مزید گہرا ہوا، جس کے بعد قتل کا انکشاف سامنے آیادوسری جانب سسرالیوں نے موقف اختیار کیا ہے کہ خاتون نے مبینہ طور پر خود زہر کھا کر خودکشی کی ہے
پولیس کے مطابق ابتدائی طور پر واقعے کے مختلف پہلوئوں سے تفتیش کی جا رہی ہے سب انسپکٹرشاہد کے مطابق یہ قتل ہے یا خودکشی، اس بارے میں حتمی حقائق پوسٹ مارٹم رپورٹ آنے اور تفتیش کے بعد ہی سامنے آئیں گے پولیس نے لاش کو ضروری کارروائی کے لیے تحویل میں لے کر مزید تحقیقات شروع کر دی ہیں
