شانگلہ (این این آئی)شانگلہ کے علاقے رحیم آباد باسی میں کچے مکان کی چھت گر گئی جس کے نتیجے میں چھ بچے جاں بحق ہوگئے ۔

ریسکیو حکام کے مطابق مکان کے ملبے تلے دب کر 6 بچے جاں بحق ہو گئے۔حکام نے بتایا کہ مکان کی چھت گرنے کا واقعہ گزشتہ رات پیش آیا تھا۔ریسکیو حکام نے بتایا کہ جاں بحق ہونے والوں میں 4 بچیاں اور 2 بچے شامل ہیں، جن کی عمریں 4 سے 15 سال کے درمیان تھیں،ایک بچی کو زندہ نکال لیا گیا۔حکام کے مطابق چھت گرنے سے ملبے تلے 7 بچے دب گئے تھے جن میں سے 6 بچے جاں بحق ہوگئے، جبکہ ایک بچی کو بحفاظت نکال لیا گیا۔ریسکیو ٹیموں اور مقامی افراد نے امدادی کارروائیاں کرتے ہوئے ملبہ ہٹایا، امدادی کارروائیاں مکمل کر لی گئی ہیں۔